09 okt 15:49
Yangiliklar

Tennis

Qarshi "Fyuchers". Sanjar Fayziev ilk uchrashuvini o'tkazdi

Xabar berganimizdek, Qarshi shahrida tennis bo'yicha "Fyuchers" turkumiga kiruvchi turnir bo'lib o'tmoqda.

Sovrin jamg'armasi 15 000 AQSH dollarini tashkil qiluvchi turnirda yakkalik bahslarining birinchi davra uchrashuvlari yakuniga etib bormoqda. Hozirgina musobaqada birinchi raqam ostida tasniflangan Sanjar Fayziev birinchi bosqichdagi uchrashuvini yakunladi.

Hamyurtimiz saralash turniri orqali asosiy to'rga etib kelgan rossiyalik Sergey SHipilovga qarshi kortga chiqdi. Fayziev 1 soatu 17 daqiqa davom etgan uchrashuvida raqibini 6:4, 6:3 hisobida mag'lub etdi. Endi Sanjar ikkinchi bosqichda yana bir hamyurtimiz Grigoriy Korobeynikovni sinovdan o'tkazadi.