Qashqadaryoda bo'lajak beshkurashchilar saralandi

Olimpiya zaxiralari ixtisoslashtirilgan sport maktab-internatida o'tkazilgan musobaqada qashqadaryoliklardan tashqari, Samarqand, Andijon viloyatlari va Toshkent shahridan 90 nafardan ziyod sportchi ishtirok etdi.

Uchkurash zamonaviy beshkurash uchun tayyorgarlik bosqichi bo'lib, uchta sport yo'nalishini o'z ichiga olgan – suzish va lazer to'pponchadan o'q otish hamda yugurish bahsidir.

Vaqt asosida har bir vazifa uchun ballar beriladi. Eng ko'p ochko jamg'argan sportchi g'olib deb topiladi. Musobaqa ushbu muassasada zamonaviy beshkurash bo'limini ochish uchun turtki berdi.