Qashqadaryoda Prezident tashabbusi bilan sambo zali qurib bitkazildi va foydalanishga topshirildi + FOTO

Sportchilar orasida sambo bo'yicha Serbiyadagi jahon chempionati g'olibasi Musharraf Ibodullaeva ham ishtirok etgandi. Suhbat vaqtida Musharraf davlat rahbaridan Yakkabog' tumanida sambo zali qurilishini so'ragandi. O'sha erning o'zida SHavkat Mirziyoev masullarga ushbu masala yuzasidan topshiriq bergandi. 

Ushbu topshiriq doirasida Qashqadaryo viloyati Yakkabog' tumanida sambo bilan shug'ullanish uchun maxsus sport zali qurib bitkazildi. 

Kuni kecha mazkur zamonaviy sport zalining tantanali ochilish marosimi bo'lib o'tdio'tdi. Ochilish marosimida jamoat arboblari, mahalliy hokimlik vakillari va sportchilar ishtirok etishdi. 

Endilikda yakkabog'lik samboga qiziquvchi yoshlarimiz mazkur sport zaliga kelib, sambo sir-asrorlarini o'rganishlari mumkin bo'ladi. Albatta kelajakda ushbu sport zalidan yangi Musharraf Ibodullaevalar, Gulxayo Jo'raevalar etishib chiqadi degan umiddamiz!

Fursatdan foydalanib butun O'zbekiston xalqiga, xususan Yakkabog'lik sportchilarimizga yangi yilga shunday sovg'a taqdim etilgani uchun Muxtaram Prezidentimizga, O'zbekiston Respublikasi turizm va sport vazirligiga o'z minnatdorchiligimizni bildirib qolamiz!

O'zbekiston sambo associaciyasi matbuot xizmati