Qishki Olimpiadada qaysi O'zbekistonlik sportchilar ishtirok etadilar?

Olamsport.com saytiga malum bo'lishicha, ushbu turnirda O'zbekiston sharafini uch nafar sportchi himoya qiladi:


Misha Ge Misha - 1991 yilning 17 may kuni Moskvada tug'ilgan. Figurali uchish bo'yicha O'zbekiston milliy terma jamoa azosi, Xalqaro toifadagi sport ustasi.



2017 yilning mart oyida Finlyandiyaning Xelsinki shahrida bo'lib o'tgan jahon chempionatida 12-o'rinni egallab, 2018 yilgi qishki olimpiya o'yinlarida ishtirok etish uchun licenziyani qo'lga kiritdi.



Kamiljon To'xtaev - 1997 yilning 30 oktyabr kuni Toshkent viloyati, Yangiobod shahrida tug'ilgan.



Tog' chang'isi sport turi bilan 2005 yildan shug'ullanib kelmoqda. 2008 yildan buyon O'zbekiston terma jamoasi azosi. FIS boshchiligida tashkillashtirilgan xalqaro musobaqalar va Avstriya va SHveycariyada bo'lib o'tgan jahon chempionatlari yakunlariga ko'ra 2018 yilgi qishki olimpiya o'yinlarida ishtirok etish uchun licenziyani qo'lga kiritdi.




Kseniya Grigoreva - 1987 yilning 25 noyabr kuni Toshkent shahrida tug'ilgan.



Tog' chang'isi sport turi bilan 1995 yildan shug'ullanib kelmoqda. 2006 yildan buyon O'zbekiston terma jamoasi azosi. Xalqaro toifadagi sport ustasi. Xitoydagi xalqaro musobaqa natijalariga ko'ra Olimpiadada ishtirok etishi malum bo'ladi.