Qizg'in bellashuvlar va munosib etiroflar

Unda viloyat prokuraturasi, jismoniy tarbiya va sport boshqarmasi masullari hamda tuman hokimligi va keng jamoatchilik  vakillari ishtirok etishdi.
Ushbu viloyat miqyosidagi futbol, shaxmat va shashka musobaqasi Qamashi tumanidagi 4-sonli “Mehribonlik uyi” va Kitob tumanidagi 5-sonli “Mehribonlik uyi” tarbiyalanuvchilari o'rtasida bo'lib o'tdi.

Musobaqa boshlanishida Qamashi tuman hokimi SHerali Sanaev so'zga chiqib, bugun yurtimizda yoshlar uchun yaratilgan ulkan va beqiyos shart-sharoitlar o'zining xayrli natijalarini berayotganligini alohida takidlab o'tdi.

So'ngra mazkur sport musobaqasining barcha ishtirokchilarini yaqinlashib kelayotgan 14 yanvar – “Vatan himoyachilari kuni” munosabati bilan qizg'in tabriklab, ularga ushbu musobaqada muvaffaqiyatlar tiladi.

SHundan so'ng Qamashi shahridagi 4-sonli “Mehribonlik uyi” tarbiyalanuvchilari va Kitob tumanidan tashrif buyurgan 5-sonli “Mehribonlik uyi tarbiyalanuvchilari o'rtasida ikki yosh toifasidagi futbol jamoalari o'rtasida o'zaro futbol musobaqasi bo'lib o'tdi.

Kichik yoshdagi jamoalar o'rtasida kechgan uchrashuvda qo'yidagi natija qayd etildi:
Qamashi shahridagi 4-sonli “Mehribonlik uyi” yosh sportchilari Kitob tumani 5-sonli “Mehribonlik uyi”dan tashrif buyurgan musobaqa ishtirokchilaridan 7:1 hisobida g'olib bo'ldi.

Yuqori sinf tarbiyalanuvchilari jamoalari o'rtasida kechgan uchrashuvda qo'yidagi natija qayd etildi:
Kitob tumanidan tashrif buyurgan 5-sonli “Mehribonlik uyi” tarbiyalanuvchilari Qamashi tumanidagi 4-sonli “Mehribonlik uyi” tarbiyalanuvchilari jamoasidan 6:4 hisobida g'oliblikni qo'lga kiritdi.

SHaxmat va shashka bo'yicha “Mehribonlik uyi” tarbiyalanuvchilari bo'lgan o'smirlar va qizlar o'rtasidagi bellashuvda quyidagi natija qayd etildi:
Qamashi shahridagi 4-sonli “Mehribonlik uyi” tarbiyalanuvchilari va Kitob tumanidagi 5-sonli “Mehribonlik uyi” tarbiyalanuvchilari - o'smirlar va qizlar o'rtasidagi shaxmat va shashka sport musobaqasida umumiy jamoa hisobida Kitob tumanidan kelgan yosh sportchilar muvaffaqiyat qozonishdi.

Yuqori saviyada tashkil etilgan viloyat miqyosidagi ushbu futbol, shaxmat va shashka musobaqasi yakunida g'olib va sovrindorlar tashkilotchilar tomonidan Kubok, medallar va sport anjomlari hamda esdalik sovg'alari bilan taqdirlandi.

Qamashi tuman Jismoniy tarbiya va sport bo'limi bosh inspektori   F. CHoriev