Qo'l jangi bo'yicha O'zbekiston kubogi yakunlandi + FOTO

Gimnastika sport saroyida o'tkazilgan mamlakat kubogi bahslarida Qoraqalpog'iston Respublikasi, barcha viloyatlar hamda Toshkent shahridan 700 nafarga yaqin qo'l jangi ustalari ishtirok etdi. 

Xabar berganimizdek, O'zbekiston kubogida kattalar va qizlar 9 tadan, o'smirlar 10 ta, professional yo'nalishdagi qo'l jangi ustalari esa 4 ta vazn toifasida g'oliblik uchun bahs olib borishdi.

Yakuniy natijalarga ko'ra, kattalar o'rtasida 1-o'rinni Ichki ishlar vazirligi qo'l jangi ustalari qo'lga kiritishdi. Ikkinchi o'rin Davlat xavfsizlik xizmati jamoasiga nasib etgan bo'lsa, kuchli uchlikka Milliy gvardiya sportchilari yakun yasab berishdi.

O'smirlar o'rtasida birinchi o'rinni Andijon viloyati jamoasi egalladi. Farg'onalik o'smirlar ikkinchi, Samarqand viloyati qo'l jangi vakillari uchinchi pog'onadan joy olishdi. Musobaqa yakunida g'olib va sovrindorlar medal, diplom hamda esdalik sovg'alari bilan taqdirlanishdi.