Qozog'istonlik bokschi Isroil Madrimovning sobiq raqibi bilan jang qiladi

U 14 dekabr kuni AQSHning Kaliforniya shtati, Santa-Ines shahrida tashkil etiladigan boks oqshomining markaziy jangida ringga chiqadi. Sadriddinga turnir doirasida amerikalik Rafael Igbokve raqiblik qiladi.

Faoliyatini Kanadada boshlagan Ahmedov hozirga qadar 14 ta jang o'tkazib, ularning barchasida g'alaba qozongan. Igbokve esa 22 ta jangda 17 g'alaba va 5 ta mag'lubiyat qayd etgan.

Yodingizda bo'lsa, Rafael Igbokve 2023 yil aprel oyida super yarimo'rta vazn toifasidagi sobiq jahon chempioni Isroil Madrimovga qarshi jang qilib, ochkolar hisobiga ko'ra mag'lub bo'lgan edi.