Qozog'istonlik Bublik Marreyni mag'lub etib, Nyuport turniri yarim finaliga chiqdi

CHorak finalda Bublik shotlandiyalik Endi Marreyni mag'lub etdi. Uchrashuv 7/5, 6/4 hisobida yakunlandi.

Bahs 1 soatu 46 daqiqa davom etdi. O'yin davomida jahonning 42-raketkasi Bublik 11 ta eys amalga oshirib, besh bor qo'sh xatoga yo'l qo'ydi va uchta breykdan unumli foydalandi. Uning ATR reytingida 52-o'rinni egallab turgan raqibi esa bitta eys, ikkita qo'sh xato va bitta breyk qayd etdi.

Turnirning yarim finalida Bublik Jeyson Kabler (Avstraliya) - Jeyms Dakvort (Avstraliya) uchrashuvi g'olibi bilan o'ynaydi. 

Eslatib o'tamiz, musobaqaning mukofot jamg'armasi 594 ming dollarni tashkil etadi.