Qozog'istonlik tennischi AQSHdagi turnirda finalga chiqdi

Dunyoning 42-raketkasi Aleksandr Bublik bosh sovrin uchun kortga chiqadigan bo'ldi. Qozog'istonlik tennischi yarim final uchrashuvida reytingning 102-pog'onasidan joy olgan avstraliyalik Jeyson Kablerdan ortiqcha qiyinchiliksiz ustun keldi - 6/3, 6/2.

Bu tennischilarning o'zaro o'tkazgan ilk uchrashuvi edi. Etmish daqiqa davom etgan bahsda Bublik 15 ta, Kabler esa 3 ta eys zarbasini amalga oshirgan. Bugun qozog'istonlik tennischi Nyuport turniri bosh sovrini uchun amerikalik Maksim Kressiga qarshi kortga chiqadi.