Qozondagi tennischilarimizning raqiblari malum

Mukofot jamg'armasi 25 000 AQSH dollarini tashkil qiluvchi musobaqaning asosiy to'r bahslarida uch nafar tennischimiz - Sanjar Fayziev, Humoyun Sultonov hamda Sergey Fomin ham ishtirok etadi. 

Qura natijasiga ko'ra, ATP reytingida 386-o'rinni egallab turgan istedodli tennischimiz Humoyun Sultonov birinchi davrada saralash bahsi g'oliblaridan biriga qarshi kortga chiqadi. Humoyun Qozon turnirining uchinchi raketkasi sifatida saralangan. 

Sanjar Fayzievning birinchi bosqichdagi raqibi rossiyalik Aleksandr Igoshin bo'ladi. Turnirda sakkizinchi raqam ostida tasniflangan Sergey Fomin esa asosiy to'rga imtiyozli yo'llanma asosida qo'yilgan rossiyalik Alibek Kachmazov bilan to'qnash keladi.