Rasman. “Everton” hujumchisi Deulofeu ijara asosida “Milan”ga o'tdi

Bu malumotni har ikki klub rasmiylari ham tasdiqlashdi. Kelishuv mavsum so'nggiga qadar amal qiladi, deb xabar bermoqda “Everton” klubi matbuot xizmati.

Malumot uchun, “Milan” klubi juma kuniyoq Xerardning Italiyaga ijara asosida yarim yilga kelayotgani haqida xabar tarqatgandi. Lekin bir muddat o'tib, klub rasmiy Tvitteridagi bu xabar olib tashlangan edi.

Eslatib o'tamiz, 22 yoshli futbolchi joriy mavsum Angliya Premer-ligasida “Everton” libosida 11ta uchrashuvda maydonga tushgan. Lekin bor yo'g'i 4ta o'yinda u boshlang'ich tarkibda uchrashuvni boshlagan. Raqib darvozasini esa ishg'ol qila olmagan.