09 okt 17:55
Yangiliklar

Boks/MMA

Rasman. Xotambek Boynazarov UAE Warrios chempionlik kamari uchun jang qiladi

Teglar : UAE Warriors Xotambek Boynazarov

Yarim o'rta vaznli o'zbekistonlik aralash yakka kurash ustasi Xotambek Boynazarovning keyingi jangi tafsilotlari aniq bo'ldi.

Hamyurtimiz 22 oktyabr kuni Abu-Dabida (BAA) tashkil etiladigan UAE Warrios 55 musobaqasining markaziy jangida oktagonga ko'tariladi.

Boynazarovga o'sha kuni yarim o'rta vazn toifasida UAE Warriors chempioni, ozarbayjonlik Tagir Abdullaev raqiblik qiladi.

Jang 5 raund etib belgilangan.

Boynazarov shu kungacha 9 ta jang o'tkazib, ularning barchasida raqiblaridan ustun kelgan. So'nggi jangini 27 iyul kuni AE Warriors 51 turnirida gruziyalik Giorgi Egnatashviliga qarshi o'tkazib, ochkolar hisobiga ko'ra g'olib bo'lgan.

Tagir Abdullaevning hisobida esa 17 ta g'alaba va 2 ta mag'lubiyat bor. Oxirgi jangini may oyida bo'lib o'tgan UAE Warriors 50 turniri doirasida SHaxban Alxasovga qarshi o'tkazgan Abdullaev nokaut orqali zafar quchgan edi.