27 mar 15:03
Yangiliklar

Futbol

Ravshan Ermatov va uning yordamchilari Meksikadagi uchrashuvda ishlaydi

Xalqaro miqyosdagi musobaqalarga o'zbekistonlik hakamlarni taklif etish ananasi tobora ortib bormoqda.

Ravshan Ermatov timsolida o'zbekistonlik hakamlar nafaqat Osiyo miqyosida, balki jahon darajasidagi o'yinlarni ham adolatli va haqqoniy boshqarishib, o'zlarining nimalarga qodir ekanliklarini isbotlashyapti. Bugunning o'zida hakamlarimizning ikki guruhi xalqaro musobaqada maydonga tushadi. Valentin Kovalenko boshchiligidagi guruh Livanda, Aziz Asimov boshchiligidagi hakamlarimiz esa Qatarda Osiyo kubogi saralash o'yinlarini olib borishga masul qilib belgilangan. SHuningdek, aprel oyida ham vakillarimiz bir qator nufuzli musobaqalarga biriktirilgan. Demak,

27 mart. Osiyo Kubogi - 2019 saralashi.
Livan – Malayziya. Bayrut shahri.
Bosh hakam: Valentin Kovalenko
Qanotlarda: Ruslan Serazetdinov, Alisher Usmonov.
Zaxira hakami: SHerzod Qosimov

27 mart. Osiyo Kubogi - 2019 saralashi.
Yaman – Nepal. Betaraf sifatida Qatarning Doha shahri tanlangan.
Bosh hakam: Aziz Asimov
Qanotlarda: Andrey Capenko, Timur Gaynullin.

3 aprel. OCHL.
“Serezo Osaka” (Yaponiya) – “Jeyju Yunayted” (J.Koreya)
Bosh hakam: Ilgiz Tantashev
Qanotlarda: Andrey Capenko, Timur Gaynullin.

10 aprel. OFK Kubogi. Mashxat shahri.
“Al-Suvayh” (Ummon) – “Malkiya” (Bahrayn)
Bosh hakam: SHerzod Qosimov
Qanotlarda: RuslanSerazetdinov, Alisher Usmonov

SHuningdek, 6-20 aprel kunlari Iordaniyaning Amman shahrida futbol bo'yicha Ayollar o'rtasida Osiyo chempionati bo'lib o'tadi. Mazkur musobaqada ishlash uchun o'zbekistonlik Edita Mirobidova (bosh hakam) va Zilola Rahmatova (yordamchi hakam) taklif etilishgan.

Ravshan Ermatov boshchiligidagi Abduhamidullo Rasulov va Jahongir Saidov aslida 3 aprel kuni Osiyo CHempionlar ligasi doirasida “SHanxay SHenxua” (Xitoy) – “Kashima Antlers” (Yaponiya) uchrashuviga tayinlangan edi. Biroq bu tayinlov FIFA tomonidan boshqa musobaqa bilan almashtirildi. Unga ko'ra, vakillarimiz 10 aprel kuni KONKAKAF CHempionlar ligasi doirasida Meksikada o'tadigan “Amerika FK” (Meksika) va “Toronto" FK” (Kanada) klublari o'rtasidagi yarim final uchrashuvini boshqarishadigan bo'lishdi.