Ribakina Sobolenkoni mag'lub etdi, ammo...

WTA reytingida 5-o'rinni egallab turgan qozog'istonlik Elena Ribakina guruh bosqichining so'nggi uchrashuvida dunyoning birinchi raketkasi belaruslik Arina Sobolenkoni uch set natijasiga ko'ra mag'lub etishga muvaffaq bo'ldi - 6/4, 3/6, 6/1.

Lekin bu g'alaba Elena uchun tatimadi. Boisi, u dastlabki ikki uchrashuvda mag'lubiyatga uchrab, pley-offga chiqish imkoniyatidan mahrum bo'lib ulgurgandi. Arina esa aksincha, ikki bahsda zafar quchib, muddatidan oldin 1/2 final masalasini hal qilgandi. 

Tennis malikalarining o'zaro uchrashuvlarida Sobolenko hamon oldinda bormoqda - 6:3. Bir yuz bir daqiqa davom etgan bahsda Sobolenko 4, Ribakina 6 ta eys zarbasini amalga oshirgan.