10 may 07:16
Yangiliklar

Tennis

Rim "Masters". Grunt qiroli Rafael Nadal deyarli 3 soatlik uchrashuv o'tkazdi

SHu kunlarda Italiya poytaxti tennis bo'yicha "Masters" seriyasiga kiruvchi turnirga mezbonlik qilmoqda.

ATP reytingida 305-pog'onada borayotgan Rafael Nadal musobaqaning ilk davrasida dunyoning 108-raketkasi bo'lib turgan belgiyalik Zizu Bergs ustidan irodali g'alabaga erishdi - 4/6, 6/3, 6/4. Bu tennischilarning o'zaro o'tkazgan ilk uchrashuvi bo'ldi.

Ikki soatu 53 daqiqa davom etgan bahsda grunt qiroli bo'lgan Nadal 2, Bergs esa 6 ta eys zarbasini amalga oshirgan. Qo'shxatolar ikkala tennischida ham 4 tadan bo'ldi. Rafa 4, Zizu 2 ta breykka erishgan. Internazionali BNL d'Italia turnirining 10 karra chempioni bo'lgan Nadal ikkinchi bosqichda polshalik Xubert Gurkachga qarshi kortga chiqadi.