12 avg 10:26
Yangiliklar

Tennis

Rogers Cup. Amaldagi chempion yarim finalda to'xtatildi

Xabar berganimizdek, Kanadaning Monreal shahrida o'tkazilayotgan tennis bo'yicha nufuzli WTA turniri o'zining hal qiluvchi pallasiga kirdi.

Musobaqaning amaldagi g'olibi Elina Svitolina yarim final uchrashuvida o'z yurishini to'xtatdi. Ukrainalik tennischi final ostonasida amerikalik Sloan Stivensga ikki setda ham bir xil 3:6 hisobida imkoniyatni boy berdi.

Endi Monreal turniri bosh sovrin uchun Sloan Stivens dunyoning birinchi raqamli tennis malikasi ruminiyalik Simona Xalepga qarshi kortga chiqadi. Ushbu uchrashuv bugun Toshkent vaqti bilan soat 22:30da boshlanadi.