13 avg 08:01
Yangiliklar

Tennis

Rogers Cup. Bosh sovrin dunyoning birinchi raketkasida!

Kanadaning Monreal shahrida tennis bo'yicha nufuzli WTA turniri o'z yakuniga etdi.

Musobaqaning hal qiluvchi final uchrashuvida dunyoning birinchi raketkasi ruminiyalik Simona Xalep WTA reytingida 3-o'rinda borayotgan amerikalik Sloan Stivensga qarshi kortga chiqdi. Ikki soatu 41 daqiqa davom etgan bahsda 26 yoshli Xalep 25 yoshli Sloandan 7:6(6), 3:6, 6:4 hisobida ustun keldi.

Monreal turniridagi muvaffaqiyatli ishtirok Simona Xalepga 519 480 dollar mukofot puli hamda 900 reyting ochkosini taqdim etdi. Bu ruminiyalik tennischi uchun faoliyatidagi 18-sovringa aylandi.