Rogers Cup. Svitolinani chorak finalda to'xtatishdi

Rogers Cup musobaqasining chorak final uchrashuvlari o'tkazilib, yarim finalga yo'l olgan tennis malikalari malum bo'ldi. Sayyoramizning ettinchi raketkasi Elina Svitolina yarim final ostonasida o'z yurishini to'xtatishga majbur bo'ldi. 

Ukrainalik tennischi 1 soatu 32 daqiqa davom etgan chorak final bahsida reytingning 29-pog'onasidan joy olgan amerikalik Sofiya Keninga imkoniyatni boy berib qo'ydi - 6/7(2), 4/6. Sofiya endi yarim finalda chexiyalik Karolina Plishkovadan ustun kelgan kanadalik Byanka Andreskuga qarshi kortga chiqadi.