Rojer Federer Nadalga qarshi to'qnashuv haqida gapirdi

Xabar berganimizdek, dunyoning uchinchi raketkasi yarim final bahsida reytingda o'zidan bir pog'ona yuqorida turgan ispaniyalik Rafael Nadalga qarshi kortga chiqadi. 

“Kimga qarshi o'yin o'tkazishingdan qatiy nazar, hamisha g'alaba uchun umid bor. Agar muxlislar uchrashuv natijasini oldindan bilishganida edi, ular arenaga kelishmagan bo'lardi. 

Rafa bilan o'yingacha etib borish oson ish emas va bu shunchaki bo'lmaydi. Men yarim finalga qadar 5 ta murakkab uchrashuv o'tkazdim. Nadalga qarshi bahsning o'tkazilishidan xursandman. 

Grunt qoplamali turnirda zafar quchishni istasang, albatta Nadal to'sig'idan o'tishing kerak. Agar Rafa bilan uchrashishdan qochganimda Parijga kelib o'tirmagan ham bo'lardim”, - dedi Federer.