Rolan Garros. 35 ta eys zarbasi 40 yoshli Karlovich g'alabasini taminladi

Xorvatiyalik eys zarbalar qiroli birinchi davrada ATP reytingida 108-pog'onadan joy olib turgan ispaniyalik Felisiano Lopesga qarshi kortga chiqdi. Uch soatu 6 daqiqa davom etgan bahsda Ivo raqibini 7/6(4), 7/5, 6/7(7), 7/5 hisobida mag'lub etdi. 

Etiborlisi, 40 yoshli Karlovich uchrashuv davomida 35 ta eys zarbasini yo'llashga muvaffaq bo'ldi. 37 yoshli Lopesda esa eys zarbalar soni 14 tani tashkil qildi. Ivo Karlovich ikkinchi davrada avstraliyalik Jordan Tompsonga qarshi kortga chiqadi. Yashil qita vakili birinchi bosqisda ispaniyalik Alexandro Davidovich Fokindan ustun kelgan - 6/3, 6/2, 7/6(3).