"Rolan Garros". Darya Kasatkinada ham muvaffaqiyatli start

Sayyoramizning 13-raketkasi Darya Kasatkina kutilganidek, musobaqadagi ishtirokini g'alaba bilan boshlab oldi. Rossiyalik tennis malikasi ilk davrada WTA reytingida 49-pog'onada borayotgan polshalik Magdalena Frenxni taslim etdi - 7/5, 6/1. Tennischilarning o'zaro uchrashuvlaridagi hisob yiriklashdi - 3:0.

To'qson besh daqiqa davom etgan bahsda ikkala tennischi ham 2 tadan eys zarbasini amalga oshirgan. Qo'shxatolar bo'yicha Kasatkina peshqadam bo'ldi - 3 ga 0. Breyklar bo'yicha ustunlik ham Dasha tomonida bo'ldi - 6 ga 2! 

Endi rossiyalik tennischi Franciya Ochiq chempionatining ikkinchi bosqichida amerikalik Peyton Stirnsga qarshi kortga chiqadi. Peyton ilk davrada xorvatiyalik Lyuciya CHirich-Bagarichni qiyinchilik bilan mag'lubiyatga uchratdi - 6/3, 6/7(8), 7/6(10:6).