31 may 18:52
Yangiliklar

Tennis

"Rolan Garros". Dunyoning ikkinchi raketkasi safdan chiqdi

Sayyoramizning ikkinchi raqamli tennis malikasi Karolina Plishkova Franciya Ochiq chempionatidagi ishtirokini yakunladi.

CHexiyalik tennischi "Rolan Garros" turnirining uchinchi davrasida xorvatiyalik Petra Martichga qarshi kortga chiqdi. Bir soatu 25 daqiqa davom etgan bahsda WTA reytingida 31-pog'onadan joy olgan 28 yoshli Petra 27 yoshli raqibasini 6:3, 6:3 hisobida mag'lub etdi.

Martich Plishkova uchun noqulay raqib hisoblanadi. Buni ikki tennischining o'zaro uchrashuvlaridagi hisob ham tasdiqlaydi - 4:1. Endi Petra Martich to'rtinchi davrada rossiyalik Veronika Kudermetova hamda estoniyalik Kayya Kanepi bahs g'olibasiga qarshi kortga chiqadi.