06 iyu 09:13
Yangiliklar

Tennis

“Rolan Garros”. Jokovichning kutilmagan mag'lubiyati

Franciya poytaxti Parij shahrida tennis bo'yicha “Katta Dubulg'a” turkumiga kiruvchi “Rolan Garros” turnirining asosiy to'r bahslari davom etmoqda.

Dunyoning sobiq birinchi raketkasi, ayni paytda ATP reytingida 22-o'rinni egallab turgan Novak Jokovich chorak finalda o'z yurishini to'xtatdi. Serbiyalik 31 yoshli tennis yulduzi dunyoning 72-raketkasi italiyalik Marko CHekkinatoga yutqazib qo'ydi.

Uch soatu 26 daqiqa davom etgan bahsda 25 yoshli CHekkinato nomdor raqibini 6:3, 7:6(4), 1:6, 7:6(11) hisobida mag'lub etdi. Endi Marko yarim final uchrashuvida avstriyalik Dominik Timga qarshi kortga chiqadi.