"Rolan Garros". Qozog'istonlik tennis malikasi 1/2 final ostonasida to'xtatildi

Ayollar o'rtasidagi bahslarda sayyoramizning to'rtinchi raqamli tennis malikasi Elena Ribakina 1/4 final bosqichida o'z ishtirokini to'xtatdi. Qozog'istonlik tennischi WTA reytingining 15-pog'onasida borayotgan italiyalik Jasmine Paoliniga uch set natijasiga ko'ra imkoniyatni boy berib qo'ydi - 2/6, 6/4, 4/6.

Jasmine bu tarixiy g'alabasi evaziga tennischilarning o'zaro uchrashuvlaridagi hisob muvozanatini ham tiklab qo'ydi - 2:2. Ikki soatu uch daqiqa davom etgan bahsda Ribakina 10, Paolini 1 ta eys zarbasini amalga oshirgan. Qo'shxatolar Elenada ko'proq bo'ldi - 3 ga 1. Breyklar bo'yicha esa Jasmine ustunlik qildi - 7 ga 5. 

Italiyalik tennis malikasi faoliyatida ilk bor "Katta Dubulg'a" turnirilarining 1/2 finaliga etib keldi. Bungacha uning Franciya Ochiq chempionatidagi eng yaxshi natijasi ikkinchi davra bo'lgan edi. Paolini faoliyatida uchinchi bor Top-5`dagi raqibasidan ustun keldi. Endi u final chiptasi uchun o'zi singari kashfiyotga aylangan rossiyaliklik 17 yoshli Mirra Andreevaga qarshi kortga chiqadi.