Rossiyadan mahalliylashtirilgan figurali uchuvchilarimizni ikkita xalqaro turnir kutib turibdi

May oyida O'zbekiston terma jamoasi safiga o'tgan rossiyalik figurali uchuvchilar Ekaterina Geynish hamda Dmitriy CHigirev ISU CHellenjer seriyasiga kiruvchi ikkita turnirda ishtirok etadi.

Dastlabki turnir "John Nicks Pairs Challenge International". Musobaqa 3-4 sentyabr kunlari AQSHning Nyu-York shahrida o'tkaziladi. Unda Geynish/CHigirev juftligidan tashqari yana 8 ta  davlatning 15 ta juftligi bahs olib boradi.

SHundan so'ng, terma jamoamiz azolari 19-21 sentyabr kunlari Germaniyaning Oberstdorf shahrida o'tkaziladigan "Nebelhorn Trophy" musobaqasidagi juftlik dasturida g'oliblik uchun kurash olib boradi. Har ikki musobaqa ISU CHellenjer seriyasi turkumiga kiradi.

CHellenjer seriyasi 2014-15 yilgi mavsumdan buyon o'tkazib kelinadi. Seriya ko'plab konkida yuqori darajadagi xalqaro musobaqalarda qatnashish va Jahon reytingi ochkolarini qo'lga kiritish imkoniyatini beradi.

Malumot uchun, may oyida O'zbekiston figurali uchish federaciyasi rossiyalik figurali uchuvchilar Ekaterina Geynish va Dmitriy CHigirevni mahalliylashtirgan edi. Ular juftlik dasturida chiqish qiladi.

Ekaterina Geynish 2006 yil 18 mart kuni, Dmitriy CHigirev esa 2001 yil 1 aprelda Moskvada tug'ilgan. Ular juftlikda Rossiyadagi bir qancha mahalliy musobaqalar g'olib va sovrindorlariga aylangan.

SHuningdek, Dmitriy CHigirev Olimpiya o'yinlari sovrindori Evgeniya Medvedevaning qaylig'i ekanini takidlash lozim.