RSTIAM mutasaddilari viloyatlarda o'rganish ishlarini olib borishmoqda

Markaz direktori Kamol Sirojitdinov boshchiligidagi ishchi guruh dastlab Andijon viloyatida bo'ldi.

Andijon davlat tibbiyot institutiga (ADTI) tashrif chog'ida ushbu muassasa bilan sport tibbiyoti talimini rivojlantirish istiqbollari muhokama qilindi. Suhbatda RSTIAM va ADTI o'rtasida ilmiy-pedagogik kadrlarni tayyorlash, sport tibbiyoti sohasida ilmiy-innovacion yondashuvlarni yaratish yuzasidan yaqindan hamkorlik qilish bo'yicha memorandum imzolash kelishuviga erishildi.

SHundan so'ng mutasaddilar viloyatdagi Olimpiya va paralimpiya sport turlariga tayyorlash markazi hamda Bolalar va o'smirlar sport maktablarining tibbiyot xodimlari, talabalar va o'qituvchilar ishtirokidagi yig'ilishda qatnashdilar. Unda RSTIAM sport tibbiyotini rivojlantirish va talabalarning ayni shu sohada kuchli talim olishiga yordam berishga tayyorligini bildirdi.

Kun davomida RSTIAM vakillari Andijon shahridagi Olimpiya va paralimpiya sport turlariga tayyorlash markazida bo'lib, u erdagi qurilish ishlari hamda tibbiyot bo'limi uchun ajratilgan joy bilan tanishishdi hamda uning faoliyatini takomillashtirish bo'yicha taklif va tavsiyalar bildirishdi. Ishchi guruhning kelgusi tashrifi Farg'ona va Namangan viloyatlariga rejalashtirilgan.