24 iyu 11:17
Yangiliklar

Taekvondo

RSTIAM mutaxassislari taekvondochilarimizning salomatligini ko'zdan kechirishdi

Respublika sport tibbiyoti ilmiy-amaliy markazi mutaxassislari Konya-2021 V Islom birdamligi o'yinlariga tayyorgarlik ko'rayotgan taekvondo bo'yicha O'zbekiston terma jamoasi azolarining jismoniy-fiziologik holati, ovqatlanishi va og'ir yuklamalardan so'ng sportchilar organizmida yuz berayotgan o'zgarishlarni o'rganish maqsadida Angren shahrida joylashgan sport bazasiga tashrif buyurdilar.

Markazning sport federaciyalari bilan ishlash bo'yicha direktor o'rinbosari Sunnatilla Yulchiev boshchiligidagi mutaxassislar terma jamoamiz bosh murabbiyi Pavel Xan bilan uchrashib, tayyorgarlik jarayonlari qanday kechayotgani va sportchilarning jismoniy holati bilan bog'liq masalalar yuzasidan fikr almashdilar.

Dietolog shifokor Antoniy Malkov esa Yangioboddagi sport bazasining oshxonasidagi holatni o'rganib, sportchilarning ovqatlanish racioni bilan bog'liq tavsiyalarini berdi.

SHundan so'ng, shifokorlar Pavel Xan hamrohligida sportchilar bilan shaxsan uchrashib, mashg'ulot jarayoni va ularning jismoniy holatlari yuzasidan suhbat o'tkazishdi.

Yakunda bosh murabbiy bilan maslahatlashgan holda taekvondo bo'yicha milliy terma jamoa azolarini 25 iyul sanasida Respublika sport tibbiyoti ilmiy-amaliy markazida chuqurlashtirilgan tekshiruvdan o'tkazish kelishib olindi.

Havola :

Manba : olympic.uz

Reyting: