Sabina SHaripova ikkinchi uchrashuvini o'tkazdi

Sovrin jamg'armasi 25 000 AQSH dollarini tashkil qiluvchi musobaqada hamyurtimiz Sabina SHaripova ham ishtirok etyapti. Mamlakatimizning birinchi raketkasi turnirda oltinchi raqam ostida saralangan.

Hozirgina mamlakatimizning birinchi raketkasi ikkinchi davra uchrashuvini yakunladi. Sabina 1 soatu 14 daqiqa davom etgan bahsda tailandlik Supapitch Kuearumni 6:3, 6:2 hisobida mag'lubiyatga uchratdi. 

Endi SHaripova chorak finalda yaponiyalik Michika Ozekiga qarshi kortga chiqadi. Turnirning asosiy to'rida imtiyozli yo'llanma asosida qatnashayotgan Michika ikkinchi bosqichda shov-shuvli tarzda uchinchi raketka, xitoylik Fang Ksun Yingni 6:2, 3:6, 7:5 hisobida dog'da qoldirdi.