26 iyu 00:09
Yangiliklar

Tennis

Sabina SHaripova “Uimbldon”da kuchli raqibasini mag'lub etdi

London shahrida “Katta Dubulg'a” turkumiga kiruvchi “Uimbldon” turnirining saralash bahslari start oldi.

Musobaqaning xotin-qiz tennischilar o'rtasidagi bahslarida yagona vakilamiz Sabina SHaripova ham ishtirok etyapti. Mamlakatimizning birinchi raqamli tennis malikasi bundan bir necha daqiqa avval saralashning birinchi davra uchrashuvida kortga chiqdi.

SHaripovaning ilk bosqichdagi raqibasi slovakiyalik Kristina Kucova bo'ldi. Sabina WTA reytingida 215, Kristina esa 149-o'rinni egallab turibdi. Reytingdagi tafovutga qaramay, SHaripova kuchli raqibasini mag'lub etishning uddasidan chiqdi. Ikki soatu 8 daqiqa davom etgan bahsda Sabina 6:1, 3:6, 7:5 hisobida zafar quchdi.