Sabina va Nigina Dubaydagi ishtiroklarini g'alaba bilan boshlashdi

Sovrin jamg'armasi 100 000 AQSH dollarini tashkil qiluvchi ushbu musobaqada mamlakatimizning birinchi hamda ikkinchi raqamli tennischilari - Sabina SHaripova va Nigina Abduraimova ham ishtirok etyapti.

Quvonarlisi, hamyurtlarimizning har ikkisi ham ilk davrada g'alaba nashidasini surishdi. Birinchi raketkamiz bo'lib turgan SHaripova xorvatiyalik Yana Fettni 7:5, 6:3 hisobida mag'lub etdi.

Abduraimova esa birinchi bosqichda turnirning to'rtinchi raketkasi, lyuksemburglik Mendi Minella bilan to'qnash keldi. Reytingda raqibasidan ancha pastda turganiga qaramay, hamyurtimiz uchrashuvda 6:1, 7:5 hisobida zafar quchdi.