Saidalo Islomoboddagi ishtirokini alo darajada boshladi

Sovrin jamg'armasi 15 000 AQSH dollarini tashkil qiluvchi musobaqada hamyurtlarimiz ham ishtirok etyapti. Ulardan Saidalo Saidkarimov ikkinchi davra yo'llanmasini qo'lga kiritdi. Tennischimiz pokistonlik Xira Ashiqni 6:3, 6:3 hisobida taslim etdi. Endi u chorak final chiptasi uchun turnirning ikkinchi raketkasi yaponiyalik Rio Noguchiga qarshi kortga chiqadi. 

Asosiy to'rga saralash bahslari orqali etib kelgan SHonig'matjon SHofayziev esa asosiy to'rning ilk davrasida turnirning ettinchi raketkasi eronlik Hamidrizo Nadafga 3:6, 6:1, 3:6 hisobida yutqazib qo'ydi. Bu bilan u Pokistondagi ishtirokini yakunladi. Juftliklar musobaqasida birgina Saidalo Saidkarimov ishtirok etadi.