19 dek 12:24
Yangiliklar

Tennis

Saidalo Pokistondagi turnirda chorak finalga chiqdi

Pokiston poytaxti Islomobod shahrida tennis bo'yicha “Fyuchers” turkumiga kiruvchi turnir davom etmoqda.

Sovrin jamg'armasi 15 000 AQSH dollarini tashkil qiluvchi ushbu musobaqada hamyurtimiz Saidalo Saidkarimov ham ishtirok etyapti. Saidalo ilk davrada pokistonlik Mudassar Murtazani 6:3, 6:1 hisobida mag'lub etgan edi.

Tennischimiz hozirgina yakuniga etgan ikkinchi bosqich uchrashuvida saralash bahslari g'oliblaridan biri tailandlik Vorovin Kumtonkitikkuldan ustun keldi. Saidkarimov 1 soatu 36 daqiqa davom etgan uchrashuv yakunida raqibini 1:6, 6:1, 6:1 hisobida mag'lub etdi.