Saidalo Telavida uch setdan iborat uchrashuv o'tkazdi

Sovrin jamg'armasi 15 000 AQSH dollarini tashkil etuvchi musobaqaning asosiy to'rida uch nafar tennischimiz o'z imkoniyatini sinovdan o'tkazayotgan edi. Ulardan birgina Jo'rabek Karimov chorak finalga etib keldi. Qolgan tennischilarimiz mag'lubiyat alamini totib ko'rishdi. 

Telavi turnirida ikkinchi raqam ostida tasniflangan Saidalo Saidkarimov ilk davrada rossiyalik Yan Sabaninni 7:6(2), 6:3 hisobida mag'lub etgandi. Biroz avval yakunlangan uchrashuvda estoniyalik Danil Glinkaga imkoniyatni boy berib qo'ydi. Saidalo 2 soatu 38 daqiqa davom etgan bahsda 6:7(3), 7:6(6), 2:6 hisobida yutqazib qo'ydi.