Saidalo Telavidagi turnirda ikkinchi davraga chiqdi

Sovrin jamg'armasi 15 000 AQSH dollarini tashkil etuvchi musobaqaning asosiy to'rida uch nafar tennischimiz ham o'z imkoniyatini sinovdan o'tkazyapti. Ikkinchi raqam ostida tasniflangan Saidalo Saidkarimov biroz avval ilk davrada rossiyalik Yan Sabaninni 7:6(2), 6:3 hisobida mag'lub etdi.

Eslatib o'tamiz, bir necha daqiqa avval ikki hamyurtimiz Jo'rabek Karimov va Olimjon Nabiev o'rtasidagi ilk davra uchrashuvi yakunlangandi. Unda tajribali hisoblangan Jo'rabek g'alaba qozongan edi.