“Samarkand Half marathon” o'z g'oliblarini aniqladi

Yurtimizda sog'lom turmush tarzini, turizmni yanada rivojlantirish, sport va sanatni birgalikda uyg'unlashtirish kabi maqsadlar asosida tashkil qilingan ushbu xayriya marafonida 20 ga yaqin mamlakatdan 3000 nafarga yaqin ishtirokchi qatnashdi. Bugun o'tkazilgan asosiy bahslar avvalida O'zbekiston Respublikasi Bosh vazirining o'rinbosari Aziz Abduhakimov so'z olib, mazkur musobaqaning ahamiyati haqida to'xtalib o'tdi.

Ushbu marafonni o'tkazish uchun bejiz Samarqand shahri tanlab olinmadi. Zero, sportchilar reglamentda belgilab qo'yilgan masofalarni shaharning markaziy ko'chalari bo'ylab bosib o'tishdi. Bu esa Samarqandning turizm sohasidagi imkoniyatlarini keng ochib berish uchun yana bir qulay imkoniyat yaratib berdi.

Tabiiyki, g'olib va sovrindorlar katta miqdordagi pul mukofotlariga ham sazovor bo'ldilar. Etiboringizga turli yo'nalishlarda g'alaba qozongan ishtirokchilar ro'yxatini keltirib o'tamiz:

2 km.:
1. Xurshid Ahmadaliev (O'zbekiston)
1. Marjona Baratova (O'zbekiston)

10 km.:
1. Dmitriy Ivanchikov (Qozog'iston)
1. Tatyana Mirzaeva (Qozog'iston)

21 km.:
1. SHohruh Davlatov (O'zbekiston)
1. Nurxon Muhriddinova (O'zbekiston)