Otabek Umarov: "Marafonda qatnashgan va uni yuqori saviyada tashkil etganlarga rahmat"

Ananaga aylanib borayotgan ushbu nufuzli sport bayramining muvaffaqiyatli o'tishida ko'plab tashkilot va mutasaddilarning hissasi munosib bo'ldi.

Xususan, MOQ raisining birinchi o'rinbosari Otabek Umarov ushbu tadbir yuqori saviyada o'tkazilgani borasida fikrlarini bildirib o'tdi:

"Bu yilgi musobaqa har yilgidan ham yuqori saviyada o'tkazildi. Bunda faol ishtirok etgan Sport vazirligi, mamlakat engil atletika federaciyasi va homiylarga, yuqori darajadagi tashkiliy ishlarda yordam bergan mamlakat triatlon federaciyasi raisi Viktor Mahmudov boshchiligidagi O'zbekiston Respublikasi Prezidenti huzuridagi Xavfsizlik kengashiga, bahslarning xavfsiz o'tishini taminlashdagi yordami uchun Ichki ishlar vazirligi, Davlat xavfsizlik xizmati, Mudofaa vazirligi, Milliy gvardiya qo'mondonligi, Favqulodda vaziyatlar vazirligi hamda boshqa davlat va hukumat idoralariga, shuningdek, musobaqa davomida fidokorona xizmat qilgan hakamlar va volontyorlar jamoasiga, uni keng yoritishda xizmat qilgan ommaviy axborot vositalari xodimlariga samimiy minnatdorchilik izhor etaman.

Ushbu hamjihatlik va yuksak masuliyat sabab marafon chinakam sport bayramiga aylandi va ishtirokchilar hamda mehmonlarda unutilmas taassurot qoldirdi", deydi Otabek Muhammadalievich.