Samarqandda xalqaro ilmiy-amaliy anjuman boshlandi

O'zbekiston Respublikasi Yoshlar siyosati va sport vazirligi Jismoniy tarbiya va sport bo'yicha mutaxassislarni qayta tayyorlash va malakasini oshirish institutining Samarqand filialida 2023-yil 23-24 iyun kunlari o'tkazilishi belgilangan “Globallashuv jarayonida jismoniy tarbiya va sport bo'yicha mutaxassislarni tayyorlash, qayta tayyorlash va malakasini oshirish tizimidagi dolzarb muammo va echimlar” mavzusidagi xalqaro miqyosidagi ilmiy-amaliy anjuman bugun o'z ishini boshladi.

Xalqaro anjumanning ochilish marosimida O'zbekiston Respublikasi Yoshlar siyosati va sport vaziri o'rinbosari Durdona Rahimova, Samarqand viloyati hokimining Yoshlar siyosati, ijtimoiy rivojlantirish va manaviy-marifiy ishlar bo'yicha o'rinbosari Xurshid Ochilov, Jismoniy tarbiya va sport bo'yicha mutaxassislarni qayta tayyorlash va malakasini oshirish instituti rektori, professor Ilhomjon Tursunaliev, Dehli universiteti professori Ravinder Garveshlar tomonidan xalqaro Anjuman ishtirokchilariga tabrik so'zlari eshitildi.

Braziliya Juiz de For Federal universiteti, falsafa doktori, docent Lindsei Brabec Mota Barreto tomonidan Jangovar sport turlarida texnik-taktik tahlil qilish uchun (FRAMI) ramkadan foydalanish mavzusida. Jismoniy tarbiya va sport bo'yicha mutaxassislarni qayta tayyorlash va malakasini oshirish instituti Samarqand filiali professori, pedagogika fanlari nomzodi Hamroqul Rafiev tomonidan Globallashuv jarayonida jismoniy tarbiya va sport sohasining bazi muammolari va echimlar mavzusida maruzalari eshitildi.