31 mar 19:33
Yangiliklar

Sambo

Sambo bo'yicha O'zbekiston chempionati boshlanmoqda: associaciya vakillari Urganchda

Teglar : Sambo

Bugun Xorazm viloyati Urganch shahrida sambo bo'yicha o'smirlar va faxriylar o'rtasida O'zbekiston chempionati boshlanishi haqida avvalroq xabar berib o'tgandik.

SHu munosabat bilan, O'zbekiston sambo associaciyasi bosh kotibi va bosh murabbiyi Roman SHakirov, rais o'rinbosari Islom Adilov, ayollar terma jamoasi katta murabbiyi Ekaterina Bliznecova musobaqa o'tkaziladigan Urganch shahriga etib borishgan.

Associaciya mutasaddilari bugun Urganchdagi sambo zallarida bo'lishdi. Ularga O'zbek sambosining afsonalaridan biri Rahim Masharipov, shuningdek sambo bo'yicha Xorazm viloyati terma jamoasi katta murabbiyi Zafar Allaberganov hamroxlik qilishdi.

Mutasaddilar u erda sambo to'garaklari mavjud bo'lgan sport zallari - Yakkakurashlar maktabi va "Dinamo" sport zalida bo'lishdi. U erda yosh sambochilar bilan suhbatlashishdi, tegishli tavsiya va maslahatlar berildi. Sportchilarga oldinda turgan musobaqa omad tilandi.

SHuningdek, Rahim Masharipov yosh polvonlarga Xorazm viloyati sambo maktabi haqida gapirib berdi.

Eslatib o'tamiz, bugun O'zbekiston chempionatining tashkiliy masalalari hal qilinadi. Asosiy bellashuvlar 1 va 2 aprel kuni bo'lib o'tadi. Bahslar 2004 va 2005 yillarda tug'ilgan, xamda faxriy sportchilar o'rtasida o'tkaziladi.