Sambo mutaxassislari uchun antidoping mavzusida onlayn seminar tashkil etildi

Unda O'zbekiston Milliy antidoping agentligi vakilasi SHaxnoza Hamidova O'zbekiston sambo associaciyasi raisi Alisher Alimov boshchiligidagi mutasaddilarga, shuningdek murabbiy va sportchilar uchun maruza qilib berdi. 

Onlayn yig'ilish boshida mutaxassis sportda yuzaga keladigan kasalliklar, kasalliklarning oldini olish, sportchining tiklanishi haqida o'z tavsiyalarini berdi. 

So'ngra, antidoping qoidalari, dopingdan foydalanishning salbiy oqibatlari, xalqaro musobaqalarda doping proba olinish tartibi va qoidalari haqida gapirib berdi. Mutaxassis ushbu mavzuda o'zi tayyorlagan taqdimot bilan chiqish qildi. 

Seminar davomida murabbiy va sportchilar o'zlarini qiziqtirgan savollarga javob olishdi.

O'zbekiston sambo associaciyasi matbuot xizmati