Sambo. Qashqadaryoda sambochilar ezozlandi

Mamlakatimizda ham mazkur sambo sport turi keng ommalashgan.  Birgina Qashqadaryo viloyatida ham  sambo mashg'ulotlariga zo'r berayotgan o'g'il -qizlar   milliy terma jamoa tarkibida  xalqaro musobaqalarda muvaffaqiyatlarga erishayotgani ayni haqiqat. Bugun viloyatda sambo bilan 500 nafardan ortiq yoshlar muntazam mashg'ulotlarga kirishgan. Ayni paytda Qashqadaryo viloyat sambo federaciyasi tomonidan aholi orasida, ayniqsa yoshlar o'rtasida samboni keng ommalashtirishga,  yosh va iqtidorli sambochilarga alohida etibor qaratilgan.

Xususan, bugun 15 oktyabr kuni viloyat sambo federaciyasi raisi Sadulla Boboqulov boshchiligida Qarshi shahrida joylashgan “Sanam”tikuvchilik fabrikasida sambo bo'yicha milliy terma jamoa azolari, Osiyo chempionlari, joriy yil 2-8 noyabr kunlari Serbiya davlatida bo'lib o'tadigan jahon chempionatida terma jamoa tarkibida yurtimiz sharafini himoya qiladigan qashqadaryolik Bahodir Boqiev (62 kg.), Musharraf Ibodullaeva (48 kg.),  Munisa Eshqulova(48) hamda ularning ustozi, viloyat sambo federaciyasi bosh murabbiyi Farhod Jo'raev ishtirokida tadbir bo'lib o'tdi.   

Federaciya raisi S. Boboqulov tashabbusi bilan tashkil etilgan mazkur tadbir so'nggida  “Sanam” tikuvchilik fabrikasi rahbari F. Erkaev tomonidan sportchilarga qimmatbaho sovg'alar ulashildi. SHuningdek, fabrika tomonidan yosh sambochilarga Serbiyada o'tadigan jahon chempiontida munosib ishtirok etishlari uchun xomiylik tariqasida viza tulovlari ham amalga oshirildi. Bunday g'amxo'rlikdan ruhlangan terma jamoa azolari jahon chempionatida shohsupadan joy olib, mamlakatimiz bayrog'ini baland ko'tarishga vada berishdi.

Ilhom RAHMONOV tayyorladi, o'z muxbirimiz