22 iyu 18:18
Yangiliklar

Sambo

Sambochilarimiz Qozog'istondagi xalqaro turnirda oltin va kumush medallarni qo'lga kiritishdi + FOTO

Teglar : Sambo

20-22 iyun kunlari Qozog'istonning Atirau shahrida sambo bo'yicha xalqaro turnir bo'lib o'tdi.

Qozog'iston Respublikasida xizmat ko'rsatgan murabbiy, xalqaro toifadagi hakam Koshkarbay Tabinbaev xotirasiga bag'ishlangan musobaqada Qozog'istondan tashqari Rossiya, Armaniston, Ozarbayjon va O'zbekistondan 200 nafardan ortiq sambochi ishtirok etishdi.

Etiborlisi, musobaqada -49 kg vazn toifasida yurtimiz sharafini himoya qilgan hamyurtlarimiz Ozod Atoev va Og'abek Muhammadievlar finalgacha etib borishdi. "O'zbekcha derbi"da Ozod Atoev g'alaba qozondi va oltin medalni qo'lga kiritdi. Og'abek esa kumush medalga sazovor bo'ldi.

Qayd etish lozimki, musobaqa davomida hamyurtimiz Islom Adilov bosh hakam sifatida, Ulug'bek Rahmonov esa hakam sifatida faoliyat olib bordi.