San-Xose turnirida chempion aniqlandi

Musobaqaning hal qiluvchi final uchrashuvida dunyoning 36-raketkasi, amerikalik Daniel Kollinz reytingda o'zidan besh pog'ona yuqorida borayotgan rossiyalik Darya Kasatkinaga qarshi kortga chiqdi. Ikki soatu 18 daqiqa davom etgan bahsda Kollinz 6/3, 6/7(10, 6/1 hisoblarida zafar quchdi.

Amerikalik 27 yoshli Kollinz uchrashuv davomida 12, 24 yashar Kasatkina esa 2 ta eys zarbasini amalga oshirdi. Daniel bugungi g'alabasi evaziga o'zaro uchrashuvlardagi hisobni qisqartirdi - 2:1. Mubadala Silicon Valley Classic turniridagi muvaffaqiyatli ishtirok Kollinzga 470 reyting ochkosi hamda 68,570 dollar mukofot puli taqdim etdi.