Sanasi 3 bora o'zgargan Parij marafoni yakunda bekor qilindi

Xalqaro arenalarda muxlislarsiz musobaqalar boshlangan bo'lsa, mamlakatdan COVID-19 bilan zararlangan bemorlarning ko'payishi, xalqaro yuguruvchilarga ko'plab noqulayliklarni keltirib chiqishi sabab Franciya hukumati bu yilgi Parij marafonini bekor qildi.

Taqvimga ko'ra, dastlab musobaqa 5 aprel sanasida o'tishi belgilangan. Keyinchalik poyga 18 oktyabrga, undan so'ng 15 noyabr sanasiga qoldirilgan edi.

“Ko'rinib turibdiki, kuzgi marafonga o'z vaqtini qurbon qilib tayyorgarlik ko'rayotganlarda umidsizlik paydo bo'ladi. Ushbu musobaqani tashkil qilishda ishlaydigan barcha-barcha bu qayg'uni birgalikda bo'lishadi. Nasib qilsa, 2021 yil eng kuchli yuguruvchilarni jamlaydigan musobaqani birgalikda tashkil qilamiz. Bu yilgi poygaga ro'yxatdan o'tganlar bu huquqni kelasi yil uchun ham olib qo'yishlari mumkin. Agar istashmasa, belgilangan summa bo'yicha vaucher yoki 18 oydan so'ng kompensaciya olishlari mumkin”, – deyiladi tashkiliy qo'mita tomonidan berilgan bayonotda.

Eslatib o'tamiz, bu yil Boston, Berlin, Nyu-York va CHikago kabi yirik marafonlar ham bekor qilindi.