23 dek 08:35
Yangiliklar

Tennis

Sanjar Fayziev Antaliya turniri chempioni bo'ldi!

Turkiyaning Antaliya shahrida davom etayotgan tennis bo'yicha “Fyuchers” turkumiga kiruvchi turnir yakunlanish arafasida.

Sovrin jamg'armasi 15 000 AQSH dollarini tashkil qiluvchi musobaqada hamyurtimiz Sanjar Fayziev ham muvaffaqiyali tarzda ishtirok etdi. Yakkalikda yarim finalga qadar etib kelgan tennischimiz juftlik musobaqasida chempionga aylandi.

Rossiyalik Markos Kaloelonis bilan birinchi raqamli juftlikni hosil qilgan mamlakatimizning ikkinchi raketkasi kechaning o'zida ikkita juftlik uchrashuvida kortga chiqdi. Yarim finalda turkiyalik CHengiz Aksu va Jan Kayadan iborat to'rtinchi raqamli juftlik 6:4, 6:4 hisobida mag'lub etildi.

Hal qiluvchi finalda esa Fayziev va Kalovelonis ikkinchi raqamli juftlik - chexiyalik Tadeas Paroulek hamda ukrainalik Oleg Prixodko hamkorligidan 7:5, 3:6, katta tay-brekda 10:6 hisobida ustun kelishdi.