28 sen 12:01
Yangiliklar

Tennis

Sanjar Fayziev CHimkent turniri finalida o'ynaydi

Xabar berganimizdek, shu kunlarda Qozog'istonning CHimkent shahrida tennis bo'yicha “Fyuchers” turkumiga kiruvchi turnir o'tkazilmoqda.

Sovrin jamg'armasi 15 000 AQSH dollarini tashkil etuvchi musobaqada hamyurtimiz Sanjar Fayziev ham muvaffaqiyatli ishtirok etyapti. Shymkent Open turnirining birinchi raketkasi bo'lgan Fayziev hozirgina yakuniga etgan uchrashuvda final chiptasini qo'lga kiritdi.

Sanjarning yarim finaldagi raqibi turnirning uchinchi raketkasi rossiyalik Andrey CHepelev bo'ldi. Roppa-rosa bir yarim soat davom etgan yarim final bahsida u 6:1, 6:3 hisobidagi engil g'alabaga erishdi. Sanjar beshta eys zarbani amalga oshirgan.