03 avg 10:58
Yangiliklar

Tennis

Sanjar Fayziev Nontaburida finalga chiqdi

Tailandning Nontaburi shahrida “Fyuchers” turkumiga kiruvchi turnir bo'lib o'tmoqda.

Sovrin jamg'armasi 25 000 AQSH dollarini tashkil qiluvchi musobaqada muvaffaqiyatli tarzda ishtirok etayotgan hamyurtimiz Sanjar Fayziev hal qiluvchi final uchrashuvida qatnashish huquqini qo'lga kiritdi.

Hozirgina yakuniga etgan va 1 soatu 16 daqiqa davom etgan yarim final uchrashuvida turnirning ikkinchi raketkasi bo'lgan Fayziev Xitoy Taypeyi vakili Yu Xsuni 6:2, 6:2 hisobida mag'lubiyatga uchratdi.

Sanjarning bosh sovrin uchun bahsdagi raqibi yaponiyalik Renta Tokudo bo'ladi. Turnirning birinchi raketkasi bo'lgan Tokudo yarim final bahsida vatandoshi SHintaro Imaini 6:4, 7:5 hisobida taslim etdi.