04 noy 15:25
Yangiliklar
Tennis
Sanjar Fayziev Quvayt turnirida finalga chiqdi
Quvaytning Mishref shahrida mukofot jamg'armasi 10 ming AQSH dollaridan iborat bo'lgan turnirning asosiy to'r bahslari davom etmoqda.
Ushbu “Fyuchers” turkumiga kiruvchi musobaqaning yakkalik bahslarida terma jamoamiz azosi Sanjar Fayziev muvaffaqiyatli odimlamoqda.
Turnirning birinchi raketkasi sifatida harakat qilayotgan Fayziev bugun Yarim finalda Fayziev germaniyalik Daniel Altmayerga qarshi bahs olib bordi. Turnirning uchinchi raketkasi bo'lgan Altmayer chorak finalda oltinchi raqam ostida harakat qilgan yaponiyalik Xiroyasu Oxarani 7:6(3), 6:2 hisobida mag'lub etgandi.
Fayziev va Altmayer o'rtasidagi bahs ham uch set davom etdi. Birinchi setni 2:6 hisobida raqibiga boy bergan tennischimiz keyingi setlarda 6:4, 6:3 hisobida zafar quchdi. Uning finaldagi raqibi turnirning ikkinchi raketkasi, avstriyalik Maksimiliyan Neuskrit bo'ladi.
Havola :
Manba : olamsport.com
Fikrlar