Sanjar Fayziev va yana ikki tennischimizning Qozog'istondagi yurishi to'xtadi

Bugun 3 nafar tennischimiz musobaqa doirasidagi 1/8 final uchrashuvida kortga chiqdi. 

Dastavval Jo'rabek Karimov shveycariyalik Damen Vengerga qarshi o'yin o'tkazdi. 1 soatu 53 daqiqa davom etgan uchrashuvda afsuski, Karimov raqibiga 6/7, 1/6 hisobida imkoniyatni boy berib qo'ydi va musobaqani tark etdi.

Biroz avval esa yana bir tennischimiz Sanjar Fayziev italiyalik Antonio Kampoga qarshi kortga chiqdi. 1 soatu 26 daqiqa davom etgan o'yin italiyalik tennischining 6/4, 6/1 hisobidagi g'alabasi bilan yakuniga etdi. Fayziev ham Jo'rabek singari shu erda yurishini to'xtatdi.

Turnirda ishtirok etayotgan yana bir hamyurtimiz Sanetulla Katibaev esa ukrainalik tennischi Erik Vanshelboim bilan o'tgan 54 daqiqa davom etgan uchrashuvda faqatgina 1 marotaba setni yutib oldi va 0/6, 1/6 hisobida mag'lubiyatga uchradi.