14 avg 08:03
Yangiliklar

Tennis

Serena Uilyams opasi Vinusni ayab o'tirmadi

AQSHning Leksington shahrida o'tkazilayotgan tennis bo'yicha Top Seed Open turniri o'zining qizg'in pallasiga kirdi.

Sayyoramizning to'qqizinchi raketkasi, amerikalik Serena Uilyams ikkinchi davra uchrashuvida opasi Vinus Uilyamsga qarshi kortga chiqdi. 40 yoshli Vinus reytingning 67-pog'onasidan joy olgan.

Opa-singillar o'rtasidagi bahs 2 soatu 19 daqiqa davom etdi va unda Serena 3/6, 6/3, 6/4 hisobida g'alaba qozondi. 38 yashar Serena Uilyams 14 ta eys zarbasini amalga oshirgan. O'zaro uchrashuvlardagi hisob Serena foydasiga 20:13 ko'rinishiga keldi.