SHaripova “Katta Dubulg'a” turnirlarining 4 karra g'olibasiga qarshi kortga chiqdi

“CHellenjer” turkumiga kiruvchi ushbu musobaqaning sovrin jamg'armasi 115 000 AQSH dollarini tashkil qiladi. Hamyurtimiz chorak final uchrashuvida rossiyalik kuchli tennischiga qarshi kortga chiqdi.

Uning raqibasi “Katta Dubulg'a” turkumiga kiruvchi turnirlarning 4 karra g'olibasi, Olimpiada-2008 vice-chempioni Vera Zvonareva bo'ldi. SHaripova dunyo reytingida 159, Zvonareva esa 623-o'rinni egallab turgandi.

Lekin ikki tennischi o'rtasidagi uchrashuvda baribir tajriba o'z so'zini aytdi. Bir soatu 5 daqiqa davom etgan bahsda Zvonareva 6:3, 6:2 hisobida zafar quchib, yarim finalga yo'l oldi. Bu ikki tennischisining o'zaro ilk uchrashuvi edi.